Random thought as of May 10, 2013 1:15 AM

Miss ko na yung gigising kami ni mama ng maaga pag weekdays tapos magtuturuan kami kung sinong unang maliligo. Miss ko na yung times na nagpapaalam akong gumala ng last minute na para wala ng magawa si mama kung hindi pumayag, si nanny na yung bahala nun sa bus service. 😂 Miss ko na yung salad, brownies, carbonara, at iba pang luto at gawa ni mama na lagi kong dinedemand. Miss ko na rin yung laging pag-invite nya kela Prince, Bjorn, Princess, Kevin, Jam & Eme na mag overnight at swimming sa bahay. Miss ko na yung mga utos na may schedule pa para sa paglinis ng balcony, pag vacuum ng buong bahay, paghugas ng mga plato, pag-ayos ng ma gamit-gamit, paglalaba at pagsasampay tuwing dadating yung mga bisita ko. Miss ko na rin pag kinakabahan akong magpaalam tuwing makikipagdate ako kay Kevin or pag pupunta sa kanila. 😝 Miss ko na yung pag magshoshopping kami ni mama, agawan kami sa pagsusukat ng mga damit at sapatos dahil iisa lang yung size na gamit namin from head to toe. Miss ko na rin yung sing-along namin lagi sa car tuwing pupunta kami ng Abu Dhabi, joy ride tuloy yung dating kahit kaming dalawa lang. 😆 Miss ko na yung tuwing manunuod kami ng movie sa sala, hindi mawawalan ng popcorn tapos pabilisan at paramihan kaming kumain na tipong para kaming nasa contest. 😂 Miss ko na rin yung agawan kami ng unan at hatakan ng kumot pag natutulog. Miss ko na yung mga tanong ni mama na “Ano kayang susuot ko bukas?” “Bagay ko ba ‘to?” “Anong pwede kong terno dito?” “Pili mo nga akong damit” para sa outfit nya the following day pag papasok sya sa office. Miss ko na rin yung asaran naming walang katapusan pero sa huli, puro tawa lang din ang bagsak. Basta miss ko na kasi sya. Kung tutuusin nga, ilan lang ‘to sa mga namimiss ko kay mama, ang dami pang pwedeng sabihin pero ito na lang. Sarili ko lang rin naman ang kausap ko sa post na ‘to eh. Sadyang sobra lang pagkamiss ko sa mga tao ngayon at isa na si mama sa mga yun.

Si mama.. ang pinaka-importante at pinakamahalagang babae sa buhay ko. I miss you so much. – Read on Path.